Վորոնեժը և հայերը. ինչո՞վ է զբաղվում հայկական համայնքը

Վորոնեժը և հայերը. ինչո՞վ է զբաղվում հայկական համայնքը

Ընդամենը 1 ժամ 40 րոպե օդային թռիչք դեպի հյուսիս, և հայտնվում ես Ռուսաստանի քաղաքներից մեկում՝ Վորոնեժում:

Ինքնաթիռում՝ դեպի Վորոնեժ ուղղությամբ մեկնողների 90 տոկոսը ազգությամբ հայեր են՝ հիմնականում Ռուսաստանի քաղաքացիություն ունեցող հայեր: Նրանք ամառային արձակուրդներն անցկացրել են հայրենի հողում, ևւ հիմա հետ են վերադառնում Ռուսաստան՝ Վորոնեժ, տարբեր պատճառներով՝ խոպան, աշխատանք, ասֆալտի գործ:

Վորոնեժի օդակայանում առաջին վայրէջք  կատարողներն էլ հայերն են: Օդակայանի ռուս աշխատակիցը զգուշացնում է՝ երկարաժամկետ հատվածում Վորոնեժում մնացողները  այսպես կոչված  «դեկլարացիա» պետք է լրացնեն:  Ու օդակայանում սկսվեց իրարանցում: Ինչ է դա, ում է ընդհանրապես հարկավոր ևւ ինչու: Բայց ստիպված էին, ու մեկը մյուսի օգնությամբ՝ մերոնք սկսեցին այսպես կոչված դեկլարացիա լրացնել Վորոնեժի օդակայանում: Շատերը ճիշտ լրացրեցին, նրանք ովքեր սխալվում էին, սահմանապահը մի քանի անգամ հետ էր ուղարկում մինչև ճիշտ տարբերակը կբերեին: Նրանցից միայն մի վանաձորցի կնոջ հաջողվեց կիսատ պռատ լրացնելով դեկլարացիան՝ մուտք գործել ռուսական հող: Ընդդիմացավ, չի կարողանում լրացնել, լեզուն չգիտի ևւ վերջ: Ի դեպ, օդակայանում այդ կինը հասցրեց նաևւ թոռնիկի հետ կռվել՝ հանդիմանելով, որ միջազգային ֆակուլտետ ավարտած ուսանող  է՝ տատիկին դեկլարացիա լրացնել օգնել չի կարող:

Վորոնեժի օդակայանի հարևանությամբ հյուրանոցն է՝ մոտ 600 մետր հեռավորության վրա  կլիներ հյուրանոցից: Հայկական պատվիրակության անդամները Արմենիա ավիաընկերության անձնակազմն էր՝ հրամանատարով, լրագրողներով, մի քանի զբոսաշրջիկով: Մեքենաների շարասյունը նպատակ էր դրել՝ հայկական պատվիրակությանը այդ 600 մետրը մեքենայով տեղ հասցնել:     

Հյուրանոցում ևս ամեն ինչ հայկական է: Ներսում հայկական խմիչքներ են, Հայաստանի ու հայերի մասին պատմող տարբեր անկյուններ, հուշանվերներ: Եվ հյուրանոց մուտք գործած հայ տուրիստներին հենց առաջին հետաքրքրող հարցերից մեկն այն էր, թե օրինակ որքան է վաճառվում հայկական կոնյակը Վորոնեժում, տարբերությունը գնի մեծ է հայաստանյանի համեմատ, թե՝ ոչ:  

Կոնյակի մասին:  Ավիաշոու, որտեղ ռուսներին այդքան էլ չէր հետաքրքրում վորոնեժյան ավիաշուոն , որքան՝ Արմենիա տաղավարի հայկական կոնյակը: Ռուսները պատրաստ էին ժամերով հերթ կանգնել՝ հայկական կոնյակ խմելու համար: Սա էլ՝ հայկական կողմի խորամանկություներից մեկը կարելի էր համարել՝ հայկական կոնյակով հաճախորդներ հավաքել՝ հայկական ավիաշուկան ներկայացնող տաղավար:

Հայկական տաղավարներից այնկողմ էլ՝  հայկական էր: Ռուսները Սպիտակցի Հայկո  էին լսում ու լավ էլ պարում: 

Հայաշատ քաղաք, ուր մեկ  շաբաթում  400 հայ է այցելում: Վորոնեժի հայ համայնքի ղեկավար Կամո Չոբանյանն է պատմում՝ Վորոնեժ են գալիս պրոֆեսորներ, համալսարանականներ:  

Շաբաթվա ընթացքում երկու ուղիղ չվերթ ունի Արմենիա ավիաընկերությունը դեպի Վորոնեժ: Կամո Չոբանյանը հայտնում է, որ սա հատկապես օգնում է այն ժամանկ, երբ Վերին Լարսն է փակ լինում: 

Կամո Չոբանյանը պատմում է, որ Ռուսաստանում 6 առեվտրային կենտրոն է բացվելու: Այդ առեվտրային կենտրոններից մեկը կկառուցվի Վորոնեժում: Ռուսաստանում Հայաստանի դեսպանը կայցելի Վորոնեժ կորոշվի հողհատկացման հարցը: Կամո Չոբանյանի խոսքով՝ հաջորդ տարի ամռանը առևտրային կենտրոնը կառուցված կլինի Վորոնեժում:

«Մենք  պատրաստ ենք  ընդունել հայկական արտադրանքը, և այնտեղ միայն հայկականը կվաճառվի: Տեղի բնակիչներն էլ ճանաչում են հայկական արտադրանքը՝  հայկական կոմպոտը, ապխտած միսը, հացը: Կարող եմ ասել, որ այստեղ եկող ավիաընկերությունն էլ իր հետ հաց է բերում », – ասում է Չոբանյանը:

Վորոնեժում 45 հազար հայ է ապրում: Հայ երիտասարդներից կազմված ֆուտբոլի Երիտասարդական թիմ կա: Այս տարի նրանք Վորոնեժի շրջանում երկրորդ տեղը զբաղեցրին:  Հայոց լեզվի պահպանության համար Վորոնեժում դպրոց կկառուցվի: Քաղաքի կենտրոնում եկեղեցի է կառուցված: Եկեղեցու կառուցումն էլ հետաքրքիր պատմություն ունի: Այն  մեծ դժվարությամբ են համոզել ռուսական իշխանություններին կառուցելու համար: Սկզբից որոշվել է, որ այդ տեղում պետք է առեվտրայի կենտրոն կառուցվի, սակայն վերջում եկեղեցի է կառուցվել:

«Եթե ուզում ես  հայությունը պահպանվի, պետք է եկեղեցի ունենալ և հարեվանությամբ դպրոց: Հաջորդ տարի ապրիլին, կարծում եմ կբացվի դպրոցը»,- տեղեկացրեց Չոբանյանը: 

Հայերն հիմնականում Վորոնեժում շինարարությամբ են զբաղվում: Վորոնեժի կենտրոնական փողոցների մեծ մասը հայերն են ասֆալտապատել եվ ասֆալտապատում:

Չոբանյանը հայտնեց, Հայաստանում նոր կառավարության ձևավորումից հետո, 17 ընտանիք  վերադարձել է Հայաստան: Ասել են՝ գնում են Հայաստան ներդրումներ կատարելու, վատ լինելու դեպքում՝ նորից կվերադառնան:

Բալշայա Պրիվալովկա: Վորոնեժից մոտ 80 կիլոմետր հեռավորության վրա  գտնվող գյուղ է: Այստեղ այցելողներին ռուսական երգչախումբն  է դիմավորում՝ աղ ու հացով: Կանայք երգում-պարում են ու  պատմում իրենց գյուղի ավանդույթների մասին: Վորոնեժ այցելող զբոսաշրջիկներին առաջարկում են այցելել տեղի պատմական վայրեր, թանգարաններ ու սրբատեղիներ: Իսկ երեկոյան հետաքրքիր ու հաճելի է դառնում , երբ հայկական երաժշտության ներքո նավարկում ես Վորոնեժ գետի վրայով: Քեզ ուղեկցողները կպատմեն այն ամենի մասին, ինչը կարելի է տեսնել Վորոնեժ գետի վրայով նավարկելիս:

Սկզբնաղբյուր՝   http://newmag.am/2018/voronej/?fbclid=IwAR02PqIXSO6j3MfKv_Nqahm3WN9ONdbwJ-pH7N_tOgY0yFcyynqAdmgAlNg#gallery[3]/4/

 


16.08.2018 - Հայերը շտապում են օգնության. մանկական պարային խմբի անհավանական արկածները Իտալիայում:

«Լեռնեցիներ» պարային խումբի անդամները իրենց ամբողջ կյանքի ընդհացքում կհիշեն իրենց ուղղեվորությունը Իտալիա: Հայտնի չե, թե ինչպես ամեն ինչ կավարտվեր, 8-10 տարեկան հայ երեխաների համար, եթե չհասնեյին օգնության հայ համայնքի ներկայացուցիրները:

15.09.2018 - Հարցազրույց «Արմենիա» ավիաընկերության փոխտնօրեն Գևորգ Խաչատրյանի հետ

2018 թվականի հոկտեմբերի 28-ից «Արմենիա» ավիաընկերությունն անցնում է նոր՝ ձմեռային չվացուցակի՝ իր ուղևորների առաջարկելով առավել հասանելի և մատչելի  սակագներ: Այս ամենը և ոչ միայն, մեզ հետ զրույցում առավել մանրամասն ներկայացնում է «Արմենիա» ավիաընկերության փոխտնօրեն Գևորգ Խաչատրյանը:

27.06.2019 - Armenia-ն ազդարարեց, թե ամսի քանիսից է կարելի Մոսկվայից Թբիլիսի տոմսեր գնել

Armenia ավիաընկերությունն առաջարկում է ուղևորներին Մոսկվայից Թբիլիսի օդային ուղևորության ամենաօպտիմալ տարբերակը։ Այս մասին այսօր լրագրողների հետ զրույցում ասաց ավիաընկերության փոխտնօրեն Գևորգ Խաչատրյանը։

01.03.2019 - Գազօջախից մինչև մեծ թռիչք

Մեկը նրա համար անհանգստանում է, մյուսը  կարոտում է, իսկ  բոլորով սպասում են Մինչ տղամարդիկ ծաղրում են կանանց տրամաբանությունը, կանայք օդում, ջրում, ցամաքում ու խոհանոցում կարծրատիպեր են կոտրում՝ համատեղելով անհամատեղելին: