Բիզնես դաս

Բոլոր նրանց համար, ովքեր պահանջկոտ են իրենց շրջապատի հանդեպ և սպասում են բարձր որակի ծառայություն իրենց ճամփորդության բոլոր փուլերում, մենք կարող ենք առաջարկել բիզնես դասի տոմսեր:  ՈՒղևորների հատուկ սպասարկումը սկսվում է  օդանավակայանում: Օդանավակայանում բոլոր ընթացակարգերը առաջանահերթ անցնելու համար բիզնես դասի ուղևորներին տրամադրվում են գրանցման առանձին  կետեր: Որոշ օդանավակայաններում գրանցման առանձին կետեր չեն հատկացվում, և այդ դեպքում բիզնես դասի ուղևորները գրանցումն անցնում են արտահերթ: Օդանավակայանների մեծ մասում, որտեղ չվերթներ է իրականացնում մեր ավիաընկերությունը, բիզնես դասի ուղևորներին մատուցվում է ծառայություն բիզնես սրահում: Մինչև  օդանավի աստիճանները բիզնես դասի ուղևորներին տեղափոխում ենք առանձին տրանսպորտային միջոցով: Այն օդանավակայաններում, որոնք հագեցած են տելետրապներով, բիզնես դասի ուղևորներին հրավիրում են նստեցման սպասման սրահի ընդհանուր մուտքով: Բիզնես դասի ուղևորների նստեցումը կատարվում է էկոնոմ դասի ուղևորների նստեցումից հետո միայն: Վայրէջքի օդանավակայան ժամանելուն պես՝ բիզնես դասի ուղևորները առաջինն են լքում օդանավը: Բիզնես դասի սրահը տեղակայված է  օդանավի դիմացի հատվածում՝ անձնակազմի խցիկի ետևում: Այն հագեցած է հարմար բազմոցներով, որոնք առավելագույնս  ապահովում են Ձեր հանգիստ և հարմարավետ թռիչքը: Բիզնես դասի ուղևորների համար նախատեսված է առանձին զուգարան: Օդանավ նստելուց հետո մեր ուշադիր բորտուղեկցորդները կօգնեն Ձեզ տեղավորել Ձեր բաճկոնը կամ կոստյումը  բիզնես դասի համար հատկացված հանդերձարանում: Հանգստի կամ քնի համար մենք տրամադրում ենք առանձին փաթեթավորված բարձեր և ծածկոցներ: Ծառայության հատուկ մասն է կազմում բիզնես դասի ուղևորների ճաշացանկը: Բիզնես դասի ուղևորներին առաջարկվում է զովացուցիչ ըմպելիքներ, ալկոհոլային խմիչքներ, բազմազան սառը նախուտեստներ և տաք ուտեստների մեծ ընտրանի: Բիզնես դասի ճաշացանկին կարող եք ծանոթանալ «Սնունդ օդանավում» բաժնում: Բիզնես դասով ճամփորդող ուղևորների համար նախատեսված է նաև հավելյալ քաշով ուղեբեռ ՝ առանց լրացուցիչ վճարների: Մենք մշտապես աշխատում ենք ծառայության ստանդարտների կատարելագործման ուղղությամբ և ձեր մասին  հոգածությունը վստահում ենք մեր լավագույն բորտուղեկցորդներին:

Թռչեք հարմարավետությամբ


Ուղղություններ


Նորություններ

20.10.2017 - «Արմենիա» ավիաընկերության ուղևորը դարձավ Վորոնեժի օդանավակայանում սպասարկված 500.000 -րդ հաճախորդը

Արմենիա» ավիաընկերության Վորենեժ-Երևան չվերթի ուղևորը Վորոնեժի միջազգային օդանավակայանի համար պատմական ցուցանիշի մի մասն է:

20.05.2020 - Չեղարկումներ կորոնավիրուսային հիվանդության (COVID-19) պատճառով

Կորոնավիրուսային հիվանդության (COVID-19) հետևանքով իրադարձությունների զարգացմամբ պայմանավորված՝ «Արմենիա» ավիաընկերությունը, մինչև հունիսի 13-ը ներառյալ, չեղարկում է բոլոր կանոնավոր չվերթերը

01.03.2019 - Գազօջախից մինչև մեծ թռիչք

Մեկը նրա համար անհանգստանում է, մյուսը  կարոտում է, իսկ  բոլորով սպասում են Մինչ տղամարդիկ ծաղրում են կանանց տրամաբանությունը, կանայք օդում, ջրում, ցամաքում ու խոհանոցում կարծրատիպեր են կոտրում՝ համատեղելով անհամատեղելին:

14.05.2018 - Նոր հրամանատար «Արմենիա» ընկերությունում: Օդաչուն լքել է Միացյալ Արաբական Էմիրությունները (ՄԱԷ) և վերադարձել Հայաստան

«Արմենիա» ավիաընկերության օդաչու Էդուարդ Կարապետյանը այսօր իր առաջին թռիչքն է կատարել հրամանատարի պաշտոնում՝ Boeing 737 ինքնաթիռով: 33տարվա փորձ ունեցող օդաչուն լքեց ՄԱԷ-ը և վերադարձավ հայրենիք, երբ աշխատանքի առաջարկ ստացավ «Արմենիա» ավիաընկերությունից: