Հիմա թռիչքը դարձել Է ավելի մատչելի. «Արմենիա» ավիաընկերությունը փոխել է տարիֆները:

Այս աշնանից կարելի է գնել «Արմենիա» ավիաընկերության կանոնավոր թռիչքների տոմսերը բոլոր ուղղություններով ավելի ցածր տարիֆներով:

«Արմենիա» ավիաընկերությունը ձեռնարկել է նոր տարիֆային քաղաքականություն, համաձայն որի աշնանային և ձմեռային ամիսներին կարելի է գնել տոմսերը ավելի ցածր գներով: Այդ մասին իր հարցազրույցում Sputnik- Armenia-ի թղթակցին պատմեց «Արմենիա» ավիաընկերության փոխտնօրեն Գևորգ Խաչատրյանը:

«Հիմա արդեն  կարելի է գնել աշնանային և ձմեռային թռիչքների տոմսերը ավելի ցածր գներով՝ սկսած 59 եվրոյից մեկ ուղղությամբ», ասաց Խաչատրյանը:

Նա նաև նշեց, որ փոփոխվել են նաև Երևան-Լիոն-Երևան թռիչքների տարիֆները: Խաչատրյանը պարզաբանեց, որ Երևան-Լիոն-Երևան ուղղությունը շատ ձեռնատու է ինչպես ֆրանսիացիների, այնպես էլ հայերի համար: Չվերթերի գները այդ ուղղությամբ նվազել են 10-12% տոկոսով:

Երևան-Լիոն և Լիոն-Երևվան ուղիղ կանոնավոր չվերթը կայացել էր ապրիլի 19-ին: Չվերթները շաբաթական երկու օր են՝ երկուշաբթի և հինգշաբթի:

«Մեր սպասումները թռիչքներից իրենց լիովին արդարացրին, օդանավերը լի են ուղևորներով, որոնց նվազագույն քանակը  Boeing օդանավում կազմում է  100-110 ուղևոր», ասաց Խաչատրյանը:

Խաչատրյանը նշեց նաև, որ թռիչքը կլինի կանոնավոր և կիրականացվի շաբաթվա նշված օրերին:

Ավիաընկերությունը իրականացնում է տասը չարտերային թռիչքներ, որոնցից են նոր թռիչքները դեպի Վառնա(Բուլղարիա) և հունական կղզի Կոս: «Արմենիա»-ն ավելացրել է նաև կանոնավոր թռիրքներ դեպի Բաղդադ և Էրբիլ, որոնք իրականացվում են յուրաքանչուր շաբաթ օր:

«Արմենիա»-ն իրականացնում է կանոնավոր չվերթներ Երևանից Վորոնեժ, Մինվոդի, Թել Ավիվ, Բեյրութ, իսկ սկսած ապրիլից՝ նաև Լիոն:

Սկզբնաղբյուր՝  https://ru.armeniasputnik.am/society/20180810/13794836/aviakompaniya-armenia-urizm.html?fbclid=IwAR0wMXwzqrf3fd6aNhrVB928RkljI05jPhGJNRG6zpeGKMUlGJ_4rZg5Kbs