#ԱյցելիրԵրևան

#ԱյցելիրԵրևան

Երևանն աշխարհի հնագույն քաղաքներից մեկն է, այն 29 տարի Հռոմից մեծ է: Երևանը հիմնադրվել է 782 թ.  թագավոր Արգիշտի I- ի կողմից: Քաղաքի հիմնադրման մասին վկայում է Էրեբունի ամրոցի  ​​պեղումների ընթացքում հայտնաբերված սեպագիր արձանագրությունը: Առևտրական երթուղիների խաչմերուկում գտնվելով, ամրոցը շուտով վերածվել է բազմաթիվ տաճարներով և պալատներով լի մի քաղաքի։

Էրեբունին Երևանի հարավ-արևելյան մասում գտնվող՝ Արին-բերդի բլրի գագաթին է և ամենահայտնի հնավայրերից մեկն է տարածաշրջանում: Ըստ արձանագրությունների `Արգիշտի Առաջինը կառուցել է Էրեբունի քաղաքի ամրոցը, մ.թ.ա. 782 թվականին: Որպես թանգարան այն բացվել է 1968 թվականին: Բացումը նվիրված էր Էրեբունի-Երեւան քաղաքի 2750-ամյակին: Թանգարանի պահոցներում կան ավելի քան 10936 հնագույն օբյեկտներ:

Ժամանակակից քաղաքը, 1.3 միլիոն բնակչությամբ, Հայաստանի տնտեսական, քաղաքական և մշակութային կենտրոնն է: Այն ընդգրկում է Հայաստանի 11 պատմական մայրաքաղաքների շունչը և պատմությունը `դառնալով համայն հայության մայրաքաղաքը: Այս տարի Երեւանը նշում է իր հիմնադրման 2800-ամյակը: Տարվա ընթացքում անցկացվող բազմաթիվ փառատոների հետ միասին, մեծ տոնակատարություններ տեղի կունենան աշնանը:

Այս տարի Երևանի տոնը «Եկե՛ք տոնենք միասին» խորագրով է։ Եվ այս խորագիրը իրավամբ հենց մեր Երևանն է հուշել՝ իր յուրահատուկ, յուրօրինակ ջերմ կոլորիտով։ Տասնամյակների պատմություն ունի այս տոնը և տարբեր մասշտաբներով է տոնվել։ Այն նշվում է 1983 թվականից և արդեն կրում է  ավանդական բնույթ:

Երեւանի 2750- ամյակի առթիվ 1968 թվականին Էդգար Հովհաննիսյանը գրեց  «Էրեբունի-  Երևան» երգը, որն էլ հետագայում  դարձավ քաղաքի օրհներգը: Երգն առաջին անգամ կատարվել է 2750 հոգուց բաղկացած երգչախմբով:

Եկե՛ք տոնենք միասին Երևանի 2800-ամյակը

Երևանի Քաղաքապետարանի Տուրիզմի բաժին

011 514-230

tourism@yerevan.am


Ոչ ավանդական ֆոտոպատմություն՝ ավանդազրույցի մասին. իսկ դու հավատո՞ւմ ես

Հայ սիրահարները կաթոլիկ եկեղեցուն պատկանող Սբ. Վալենտնի տոնը չնայած չեն  անտեսում, սակայն հայ առաքելական եկեղեցին ունի Սբ. Սարգսի շարժական տոնը՝ զորավար, ով համարվում է երիտասարդների և սիրահար զույգերի բարեխոս սուրբ: